Sunday, November 14, 2010

લગ્ન - ૫૦% સુખની ગેરંટી!

તમે જો મારો ફૂલદાની,
અને અમે ચૂકવી દઇએ તો અમે ખુશ,
નહીતર તમે ખુશ!

તમારા નસકોરાં બોલે,
એ પહેલા સુઈ જઈએ તો અમે ખુશ,
નહીતર તમે ખુશ!

તમારા પિયરિયા આવે,
અને અમે પરગામ હોઈએ તો અમે ખુશ,
નહીતર તમે ખુશ!

ધોઇ-ઉટકીને ઢળી પડ્યા,
હવે કોઇ સારો રામલો મળે તો અમે ખુશ,
નહિતર તમે ખુશ!

બાજુનું ઘર ખાલી થયું,
હવે કોઈ સુંદર પડોશણ મળે તો અમે ખુશ,
નહીતર તમે ખુશ!

આતો લગ્ન ગ્રંથી છે પ્રિયે,
કંઇ કરતાં જો છુટે તો અમે ખુશ,
નહિતર તમે ખુશ!

આ ભવમાં ભલે મળ્યા,
આવતે ભાવ બીજી મળે તો અમે ખુશ,
નહીતર તમે ખુશ!
- 'બધિર'

No comments:

Post a Comment