વાસણાનો રહીશ મઘમઘતો જો જણાય,
તો એ સુએજ ફાર્મની વાસનો નશો છે.
ક્રિકેટના લાઈવ ટેલીકાસ્ટમાં સરકારી સાહેબ જો દેખાય,
તો એ મફત માં મળેલા પાસનો નશો છે.
વહેલી સવારે કોઈ વીરો ઝૂમતો જો દેખાય,
તો એ રાત્રે છીપાવેલી પ્યાસનો નશો છે.
ગાળામાં હાર ને મોં પર ગુલાલ સાથે નો નેતા જો દેખાય,
તો એ પ્રજાએ દર્શાવેલા વિશ્વાસ નો નશો છે.
ચાર રસ્તે ડોલતી, મદમાતી ગાય જો દેખાય,
તો એ ભક્તો એ નીરેલા ઘાસ નો નશો છે.
'જઈ' આવ્યા પછી (ક્યાં એ નહિ પૂછવાનું સપરમા દા'ડે)
હા તો,
'જઈ' આવ્યા પછી મોં પર હાશ જો દેખાય,
તો એ ત્યાગ પછીની હળવાશ નો નશો છે.
--
'બધિર'
No comments:
Post a Comment