Wednesday, March 2, 2011

आज भंग, होली पे रंग!

આજે શિવરાત્રી.
બા કહેતી "શિવરાત્રીના દિવસે ટાઢ શિવ શિવ કરતી કૂવામાં પડે"!
આજે ઓફિશિયલી શિયાળો પુરો.
ઘણાને બંડી-ટોપી શરીર પરથી ઉખાડવા પડશે!
આ એવા લોકો છે જે થર્મોમીટર પ્રમાણે નહિ પણ કેલેન્ડર પ્રમાણે શિયાળો 'ઉજવે' છે.
નવેમ્બર શરુ થયો નથી કે બંડી ટોપી ચડાવી દે તે ઝટ આવજો માર્ચ!
ધોવા માટે પણ કાઢતા હશે કે કેમ એ સવાલ છે!
ચોમાસામાં પણ ઉપરના માળેથી કોઈ કપડા સુકવતા પાણી ઉડાડે તો આ ભ'ઈ વરસાદ પડ્યો કરી ને છત્રી લઇ ને નીકળી પડે!
આવા લોકોને કારણે જ ઋતુઓને માઠું લાગ્યું લાગે છે!
જુઓને પૂર, વાવાઝોડા, માવઠા એક પછી એક આવતા રહે છે.
આખો શિયાળો મહાદેવજીની જેમ ખુલ્લા દિલે અને ખુલ્લા ડીલે ફરનાર ને જ મહાદેવજી પ્રાપ્ત થાય છે એવું પુરાણમાં ક્યાંક લખ્યું છે. શોધું છું, જડે એટલે તરત અપલોડ કરું.
હવે હોળી આવે છે.
જોજો અમુક આઈટમો કોરી કોરી ઘરે બેસી રહેશે!
તમે આવું ન કરતા.
आज भंग,
होली पे रंग!
હમ્બો....
મહાદેવ હર....
जटातटान्तरोल्लसत्सुरापगोर्मिभास्वरं
ललाटनेत्रमिन्दुना विराजमानशेखरम्।
लसद्विभुतिभुषितं फणीन्द्रहारमीश्वरं
नमामि नाटकेश्वरं भजामि हाटाकेश्वरम्
--
'બધિર' અમદાવાદી